ბელგოროდის ოლქის გუბერნატორმა ვიაჩესლავ გლადკოვმა, კრასნოიარუჟსკის სასაზღვრო რაიონიდან, რომელიც კურსკის ოლქთან მდებარეობს, მოსახლეობის ევაკუაციის დაწყება გამოაცხადა. მისი თქმით, საჭირო ტრანსპორტი უკვე გაგზავნილია და ადგილობრივებს „უსაფრთხო ადგილას გადაიყვანენ“.
რუსი სამხედრო ბლოგერები გუშინ ავრცელებდნენ ინფორმაციას, რომ კრასნოიარუჟსკის რაიონის სასაზღვრო სოფელ კოლოტილოვკაზე უკრაინულმა შენაერთებმა თავდასხმა განახორციელეს.
პარალელურად, ვითარება ამ დრომდე დაძაბულია კურსკის ოლქშიც. ბელოვსკის რაიონის ხელმძღვანელი ნიკოლაი ვოლობუევი აცხადებს, რომ გრძელდება მოსახლეობის ნებაყოფლობითი ევაკუაცია.
